АВСТРИ УЛС

ЯАГААД АВСТРИ ГЭЖ?

Австри улстай танилцъя

Австрийн их дээд сургууль, техникийн коллежийн сургалтын үндсэн хэл нь герман хэл гэдгийг анхаарна уу. Цөөн хэдэн сургалтын хөтөлбөрийг бусад хэлээр (ихэвчлэн англи хэлээр) заадаг. Тиймээс та Герман хэлний хангалттай мэдлэгтэй байх ёстой.

Их, дээд сургууль Европын хэлнүүдийн нэгдсэн стандартын C1 түвшний герман хэлний мэдлэг эзэмшсэн байхыг шаарддаг. Хэрэв та хичээл эхлэхээс өмнө их сургуулийн бэлтгэл курсийн герман хэлний анхан шатны сургалтанд хамрагдахыг хүсч байвал доод тал нь герман хэлний А2-түвшний мэдлэгтэй байх ёстой.

Австри улсын улсын их дээд сургуулиуд танд дараах боломжуудыг санал болгож байна.

Австри улсын их, дээд сургуулийн тогтолцоо танд маш өргөн хүрээг хамарсан, мэргэжлийн чиглэлийн ангиудыг санал болгоно. Тухайлбал, олон улсын бакалавр, магистр, докторын болон англи хэл дээрх сургалтын хөтөлбөрүүдээс та сонголтоо хийгээрэй.

магадлан итгэмжлэгдсэн, олон улсад чиглэсэн их, дээд сургууль
Англи хэл дээрх төрөл бүрийн сургалтын хөтөлбөрүүд
Олон төрлийн сургалт, хөтөлбөрүүд
Сургалт, судалгаа эрдэм шинжилгээний чиглэлээр гаргууд сайн их дээд сургуулиуд
Аюулгүй, эдийн засгийн хувьд тогтвортой байршил, амьдралын өндөр чанар
Олон төрлийн соёлын арга хэмжээ
Зочломтгой байдал, үзэсгэлэнтэй газар нутаг, байгаль

Сургалтын хөтөлбөрийн бүтэц

Бакалаврын зэрэг олгох хөтөлбөр: доод тал нь 180 кредит судлах ёстой.
Магистрын зэрэг олгох хөтөлбөр: Бакалаврын хөтөлбөрийг амжилттай суралцаж төгссөн бол энэ шатны сургалтанд хамрагдах боломжтой. Судлах ёстой кредит: доод тал нь 180
Докторын буюу PhD.- хөтөлбөр: Докторын хөтөлбөрт "уламжлалт"(магистр, диплом-инженер зэрэг) болон мастерын хөтөлбөрийг амжилттай дүүргэсэн бол хамрагдах боломжтой. Үргэлжлэх хугацаа нь кредит цуглуулахгүйгээр дор хаяж гурван жил байна.
“Уламжлалт” буюу магистрын сургалтын хөтөлбөр: Эдгээр хөтөлбөрүүд нь уламжлалт их сургуулийн зэрэг олгох бөгөөд ихэнх чиглэлээр магистр эсвэл инженерүүдэд диплом-инженерийн зэрэг олгодог. Үргэлжлэх хугацаа: 4-6 жил.

Их сургуульд төлөх сургалтын төлбөр

Австри оюутнууд болон австрийн оюутнуудтай ижил статустай оюутнууд (ЕХ эсвэл Европын эдийн засгийн бүсийн улсын иргэншилтэй оюутнууд) төлөвлөсөн хамгийн бага суралцах хугацаанаас хоёр семестрээс илүү суралцахгүй бол сургалтын төлбөр төлөх шаардлагагүй. Суралцах хугацааанаас хоёр семестрээс дээш хугацаа хэтрүүлэн сурах бол дараа нэг улиралд 363.36 евро төлөх ёстой.
Оюутны оршин суух зөвшөөрөлтэй гуравдагч орны оюутнууд нэг семестерт 726.72 евро (эхний семестрээс эхлэн, суралцах хугацаа сунасан ч сургалтын төлбөр нэмэгдэхгүй).
Сургалтын төлбөрөөс гадна бүх оюутнууд нэг улиралд ÖH-ын татвар (Австрийн их дээд сургуулийн оюутны холбооны татвар), ослын даатгалын төлбөр 20, 20 евро төлөх ёстой.

Их сургуулийн бэлтгэл курс

Их сургуулийн бэлтгэл курс нь их дээд сургуульд элсэн суралцах зөвшөөрөлтэй гадаад оюутнуудад их дээд сургуулиудаас тогтоосон нэмэлт шалгалтанд бэлдэх эрчимжүүлсэн сургалтыг явуулдаг. Бэлтгэл курсэд дараах хичээлүүдийг санал болгодог.
Гадаад хүнд зориулсан герман хэлний хичээл
Англи хэл, матемакик, физик, хими, биологи, түүх, газарзүй

Вени хотын их сургуулуудийн хэлний бэлтгэл курсын төлбөр нэг семестер нь 1.223 Euro байдаг.

OeAD (Австрийн Солилцооны Алба) нь Вена, Грац, Леобен хотын их сургуулийн бэлтэл сургалт хариуцсан хууль ёсны байгууллага юм.

Энэ нь та сонгосон их сургуульд элсэн сурадлцах хүсэлт гаргахаасаа өмнө хамгийн багадаа A2 түвшний герман хэлний мэдлэгтэй байх ёстой гэсэн үг юм. (энэ нь зөвхөн герман хэл дээр ихэвчлэн явагддаг курсуудад хамаарна).

Австри нь дэлхийн өндөр хөгжилтэй улсуудын нэг боловч тус улсад амьдрах өртөг нь европын бусад орнуудтай харьцуулахад тийм ч өндөр биш юм.

Оюутнуудын сарын амжиргааны зардлын (еврогоор) ерөнхий тойм оруулая.

Байр, орон сууц: ойролцоогоор 400 евро. Вена хотын байрны түрээс жижиг хотынхоос илүү өндөр байдаг.
Хоол хүнс: ойролцоогоор 250 евро. Хамгийн зардал багатай арга бол өөрөө хоолоо хийх явдал юм.
Хичээлийн болон хувийн хэрэгцээ: ойролцоогоор 300 евро. Нийтийн тээврийн компаниуд болон музей, кино театр, театр болон бусад соёлын арга хэмжээ зохион байгуулагчид оюутны үнэмлэхээ үзүүлсэн тохиолдолд оюутны хөнгөлөлт санал болгодог.

Сард гарах зардлын нийт дүн: 950 евро

Мэдээж та хэр хэмнэлттэй амьдрахаас ихээхэн хамаарна. Тиймээс нэг оюутанд сард хэчнээн хэмжээний мөнгө шаардагдахыг нарийн тодорхойлоход хэцүү.

БИДЭНТЭЙ ХОЛБОГДООРОЙ

Хэрэгжиж буй хөтөлбөрийн талаар дэлгэрүүлж асуух зүйл байвал бидэнтэй холбогдоорой.

Хүсэлт авах

Та ямар чиглэлэээр хүсэлт авахаа дэлгэрэнгүй бичнэ үү!
/Таны илгээсэн хүсэлтэнд бид 24-48 цагын дотор хариу өгөх болно./