Гёте сертификат А1: Start Deutsch 1
Гадаад хүнд зориулсан герман хэл
Гёте институтын насанд хүрэгчдэд зориулсан шалгалт болох "Start Deutsch 1" гадаад хүнд зориулсан герман хэлний (DaF) шалгалтын талаар илүү дэлгэрэнгүйг эндээс мэдээрэй.
Яагаад энэ шалгалтыг өгөх хэрэгтэй вэ?
"Start Deutsch 1" болон "telc Deutsch A1" шалгалтуудыг Гёте-Институт болон telc GmbH хамтран боловсруулдаг бөгөөд бага зэрэг ялгаатай. "Start Deutsch 1" шалгалт нь Европын хэлний нэгдсэн стандартын (GeR) зургаан түвшний эхний түвшин (A1) -тэй тохирох хэлний анхан шатны мэдлэгтэй болохыг илтгэнэ. Шалгалтанд тэнцсэнээр харилцагч этгээд удаан бөгөөд тодорхой ярьж байх үед суралцагч өдөр тутмын энгийн үг хэллэгээр ойлголцож чадна гэдгээ батална.
Хэн тус шалгалтыг өгч болох вэ?
"Start Deutsch 1" шалгалт нь 16 -аас дээш насны насанд хүрэгчдэд зориулагдсан. Шалгалтанд хамрагдахын тулд суралцагч өмнөх мэдлэг, суралцах шаардлагаасаа хамааран тус бүр 45 минутаас бүрдсэн 80-200 цагийн нэгж хичээлд хамрагдсан байх ёстой.
Хаана шалгалт өгөх вэ?
Шалгалтыг дэлхий даяар тархсан Гёте институтийн салбарууд болон Гёте институтийн шалгалтын лиценз бүхий байгууллагууд авах боломжтой.
Гёте институтийн албан ёсны вэбсайтаас шалгалтын огноо, шалгалт авах байгууллага, төлбөрийн талаар дэлгэрэнгүй мэдээлэл авч болно. Ямар чадварыг хэрхэн шалгах вэ?
"Start Deutsch 1" шалгалтын хүрээнд сонсох, унших, бичих, ярих дөрвөн чадварыг шалгана.
Шалгалт нь дараах хэсгээс бүрдэнэ.
Бичгийн шалгалт
· Сонсох (1 - 3-р хэсэг), ойролцоогоор 20 минут
· Унших (1-3-р хэсэг), ойролцоогоор 25 минут
· Бичих (1 -р хэсэг: маягт бөглөх, 2 -р хэсэг: хувийн зурвас, богино захидал бичих), ойролцоогоор 20 минут
Бичгийн шалгалт ойролцоогоор 65 минут үргэлжилнэ.
Аман шалгалт (багийн/хосын шалгалт)
• 1 -р хэсэг (танилцуулга)
• 2 -р хэсэг (мэдээлэл авах/асуух, мэдээлэл өгөх)
• 3 -р хэсэг (хүсэлт гаргах, түүнд хариулт өгөх)
Аман шалгалт ойролцоогоор 15 минут үргэлжлэх ба бэлтгэх хугацаа гэж байдаггүй.
Яагаад энэ шалгалтыг өгөх хэрэгтэй вэ?
"Goethe-Zertifikat A2" шалгалт нь Европын хэлний нэгдсэн стандартын А2 түвшний анхан шатны хэлний мэдлэгтэй батлах шалгалт бөгөөд шалгалт өгснөөр суралцагч өдөр тутмын амьдралдаа хялбархан харилцаж чадна гэдгээ нотолно.
Хэн тус шалгалтыг өгч болох вэ?
"Goethe-Zertifikat A2" шалгалт нь 16-аас дээш насны насанд хүрэгчдэд зориулагдсан болно. Суралцагч тус шалгалтыг өгөхийн тулд ойролцоогоор 170-340 цагийн нэгж хичээлд хамрагдсан байх ёстой.
Ямар чадварыг хэрхэн шалгах вэ?
"Start Deutsch 1" шалгалтын хүрээнд сонсох, унших, бичих, ярих дөрвөн чадварыг шалгана.
Яагаад энэ шалгалтыг өгөх хэрэгтэй вэ?
“Zertifikat B1“ шалгалтыг Германы Гёте Институт, Австрийн ÖSD, Швейцарийн Фрайбургийн их сургуулийн олон улсын хамтын ажиллагааны хүрээнд шинэчлэн боловсруулсан болно. Шалгалтыг дэлхий даяар нэгдсэн шалгуурын дагуу авч, үнэлдэг. Шалгалтанд оролцогч нь харилцагч этгээд стандарт (Жишээ нь төв герман хэлээр, орч.) хэлээр ярьж байгаа тохиодолд өдөр тутмын бүхий чухал нөхцөл байдалд энэ хэлээ ашиглан ойлголцож чадна гэдгээ нотлон харуулна. Олон улсад хүлээн зөвшөөрөгдсөн энэхүү гэрчилгээ нь Герман улсад их сургуулийн бэлтгэл коллежид суралцах эрх олгоно.
Хэн тус шалгалтыг өгч болох вэ?
"Goethe Zertifikat B1" нь 16 -аас дээш насныханд зориулсан шалгалт бөгөөд шалгалтанд хамрагдахын тулд суралцагч сургалтанд тавигдах шаардлага, өмнөх мэдлэгээс хамааран 350-650 орчим цагийн нэгж хичээлд хамрагдсан байх ёстой.
Хаана шалгалт өгөх вэ?
„Zertifikat Deutsch“ шалгалтыг дэлхий даяар тархсан Гёте институтийн салбарууд, Гёте институтийн шалгалтын лиценз бүхий байгууллага болон Австрийн ÖSD шалгалтын төвүүдэд өгөх боломжтой.
Гёте институт болон Австрийн ÖSD (Австрийн хэлний диплом) -ийн албан ёсны вэбсайтаас шалгалтын хуваарь, шалгалт авах байгууллага, төлбөрийн талаар дэлгэрэнгүй мэдээлэл авч болно.
Ямар чадварыг хэрхэн шалгах вэ?
"Goethe Zertifikat B1" шалгалтын хүрээнд сонсох, унших, бичих, ярих дөрвөн чадварыг шалгана.
Шалгалт нь дараах хэсгээс бүрдэнэ.
Бичгийн шалгалт
· Унших (1-5-р хэсэг), 65 минут
· Сонсох (1 - 4-р хэсэг), 40 минут
· Бичих (1 - 3-р хэсэг), 60 минут Бичгийн шалгалт 2 цаг 45 минут үргэлжилнэ.
Аман шалгалт
· 1 -р хэсэг (Ямар нэгэн зүйлийг хамтран төлөвлөх)
· 2 -р хэсэг (Нэг хүний яриа/Монолог: нэгэн сэдэв танилцуулах/сэдвийн хүрээнд илтгэх)
· 3 -р хэсэг (хэн нэгний дүрслэн ярьсан өдөр тутмын нөхцөл байдалд зохих хариу үйлдэл үзүүлэх)
Аман шалгалт ойролцоогоор 15 минут үргэлжлэх ба бэлтгэх хугацаа 15 минут бөгөөд ганцаараа бие даан бэлдэнэ.
Гёте сертификат B2:
Гадаад хүнд зориулсан герман хэл
Гадаад хүнд зориулсан герман хэлний (DaF) „Goethe-Zertifikat B2“шалгалтын талаарх дэлгэрэнгүй мэдээлэл
Яагаад энэ шалгалтыг өгөх хэрэгтэй вэ?
“Zertifikat B2“ шалгалтыг Германы Гёте Институт, Австрийн ÖSD, Швейцарийн Фрайбургийн их сургуулийн олон улсын хамтын ажиллагааны хүрээнд шинэчлэн боловсруулсан болно. Шалгалтыг дэлхий даяар нэгдсэн шалгуурын дагуу авч, үнэлдэг. Шалгалтанд оролцогч нь харилцагч этгээд стандарт (Жишээ нь төв герман хэлээр, орч.) хэлээр ярьж байгаа тохиодолд өдөр тутмын бүхий чухал нөхцөл байдалд энэ хэлээ ашиглан ойлголцож чадна гэдгээ нотлон харуулна. Олон улсад хүлээн зөвшөөрөгдсөн энэхүү гэрчилгээ нь Герман улсад их сургуулийн бэлтгэл коллежид суралцах эрх олгоно.
Хэн тус шалгалтыг өгч болох вэ?
"Goethe Zertifikat B2" нь 16 -аас дээш насныханд зориулсан шалгалт бөгөөд шалгалтанд хамрагдахын тулд суралцагч сургалтанд тавигдах шаардлага, өмнөх мэдлэгээс хамааран 600-800 орчим цагийн нэгж хичээлд хамрагдсан байх ёстой.
Хаана шалгалт өгөх вэ?
„Zertifikat Deutsch“ шалгалтыг дэлхий даяар тархсан Гёте институтийн салбарууд болон Гёте институтийн шалгалтын лиценз бүхий байгууллагад өгөх боломжтой. 2019 оноос эхлэн шинэ модульчлагдсан Goethe-Zertifikat B2 шалгалтыг өгөх боломжтой болсон
